مصر فى سطور

مختصر تاريخ مصر فى 70سطر ! ..
***
1- عصر ما قبل التاريخ
5000 سنة قبل الميلاد .ناس بتزرع جمب النيل..وبعدين حصل شوية تنظيم واتكونت مملكتين منفصلين.. مملكة فى الجنوب ومملكة فى الشمال.. فلاحين وصعايدة .
*
2- العصرالفرعونى.وبداية التاريخ...30 اسرة واستمر حوالى 3000 سنة
* يبدأ بتوحيد مصر على يد الملك مينا 
* الاهرامات التلاتة اتبنت فى الاسرة الرابعة
* احتلال الهكسوس فى الاسرة 15واستمر حوالى 150 سنة..اختلفت الاقوال عن اصل الهكسوس وموطنهم ..ولكن المؤكد انهم احتلو مصر من ناحية الشرق وغالبا هما شوية صيع زى رجالة المارشال برعى فى فيلم شمس الزناتى اتلمو من اماكن متفرقة..
* نهاية احتلال الهكسوس على يد احمس وبعد هزيمتهم اختفوا تماما من العالم.
* الاسرة رقم 18 هي اهم اسرة في الفراعنة.. واشهر ملوك الفراعنة منها واثناء حكمها اتبنت معظم المعابد المشهورة الان وحدود مصر توسعت وقتها لتشمل الشام والعراق وليبيا والسودان والدنيا فضلت حلوة فى الاسرتين اللى بعدهم كمان يعنى حوالى 500سنة
* الاسرة رقم 19 محاولة احتلال الحيثيين لمصر وهزيمتهم على يد رمسيس الثانى (اخرعاصمة للحيثيين موقعهاالان فى سوريا وكان ليهم عاصمة قبلها موقعها الان فى تركيا
* الاحتلال الاشورى(العراق).نينوى عاصمة الاشوريين موقعها الان فى العراق. 
* الاحتلال الفارسى (ايران )..ميديا او (المدائن) عاصمة الفرس موقعها الان فى ايران.
الاحتلالين الاشورى والفارسى كانوا على شكل هجمات متتالية خلال فترة حكم الاسرات العشرة الاخيرة للفراعنة ..والفراعنة كانوا على مدار 700 سنة.. بيتهزموا ويحتلوا ويتحرروا وهكذا..شوية احتلال وشوية استقلال .
* نخت أنبو التانى (نكتنابو)..هو اخر فراعنة الاسرة 30.. 
الفرس سيطروا تماما علي مصر وكملوا العد علي التاريخ الفرعوني و عملوا الاسرة 31..
*
3- العصرالاغريقى( اليونان) استمر حوالى 500 سنة 
* يبدأ بغزو الاسكندر الاكبر لمصر ..وكانت وقتها مصر تحت الاحتلال الايرانى ..فاصبحت تحت الاحتلال اليونانى 
*استقل بطليموس الاول بمصر عن الدولة اليونانية و اقام دولة البطالمة يعنى مصر دولة مستقلة عن اليونان لكن حكامها يونانيين 
* كليوباترا اخر ملوك العصر اليونانى 
* فى 3 معلومات عن كليوباترا الامر بيختلط علينا فيهم..
- كليوباترا مش فراعنة.. كليوباترا يونانية ..الممثلات اللى بتعمل دورها فى السينما بيلبسوا فرعونى وتماثيلها شكلها فرعونى عشان اليونانيين لما حكموا مصر كانوا بيلبسو فرعونى..
- كليوباترا اسمها كليوباترا السابعة وفى قبلها 6 كليوباترا حكموا مصر.. وهى مش مجرد واحدة حلوة ليهاقصة حب مشهورة فى التاريخ . كليوباترا ملكة وقائدة جيش .
- كليوباترا مش خليط من اجود الادخنة العالمية زى ما مكتوب على العلبة..كليوباترا اسوء نوع سجاير على كوكب الارض.
*
4- العصرالرومانى(ايطاليا) استمر حوالى 300 سنة 
* بدأ باستيلاء أوكتافيانوس قيصرالروم على مصر(قيصر = ملك روما عاصمة ايطاليا الان) وانتهى بتقسيم الامبراطريةالرومانية
*
5- العصرالرومانى(تركيا) استمر حوالى 400 سنة
* الإمبراطورية الرومانية نفسها اتقسمت إلى دولتين : غربية عاصمتها انتقلت من روما الى ميديولانوم(ميلانو) ايطاليا ، وشرقية عاصمتها القسطنطينية (اسطنبول) تركيا.
* أصبحت مصر من نصيب الدولة الرومانية الشرقية أو الدولة البيزنطية او دولة الروم وهى دى الدولة المذكورة فى القران....
* الروم المقصودين مكانهم مش دولة رومانيا الحالية لان رومانيا اتكونت بعد كدة بكتير من اتحاد بقايا الروم مع شعوب اخري وايضا مكانهم مش روما في ايطاليا.. نقدر نسميهم مجازا تركيا عشان الموقع الجغرافى لعاصمتهم القديمة موجود دلوقتى فى تركيا.
* الاحتلال الفارسى(ايران)التانى بعد الاحتلال ايام الفراعنة واستمر المرة دى حوالى 10 سنين 
* الروم طردوا الفرس والعودة تحت الحكم الرومانى (تركيا) 
* سيروس او (المقوقس) هو اخر حكام مصر فى العصر الرومانى (تركيا)
*
6-العصر الإسلامى ... 
* يبدأ بفتح عمرو بن العاص لمصر فتكون بذلك تابعة لحكم الخلافة الاسلامية وتتوالى فيه العهود.. 
*عهد الخلفاء الراشدين استمر حوالي 20 سنة 
*عهد الخلافة الأموية استمر حوالي 90 سنة 
*عهد الخلافة العباسية واستمر حوالى 750 سنة متقسمين كالتالى .
*ظلت مصر تابعة للخلافة العباسىة حوالى 120 قبل ان يبدأ بعض حكامها بالاستقلال بها 
*الدولة الطولونية استمرت حوالى 40 سنة 
*عادت مصر للخلافة العباسىة لفترة استمرت حوالى 30 سنة 
*الدولة الإخشيدية واستمرت حوالى 35 سنة
*الدولة الفاطمية واستمرت حوالى 200 سنة
*الدولة الأيوبية واستمرت حوالى 80 سنة......هزيمة الصليبيين
*الدولة المملوكية واستمرت حوالى 250 سنة..هزيمة التتار 
*عهد الخلافة العثمانية واستمر حوالى 300سنة..مصر تابعة للخلافة العثمانية 
*الاحتلال الفرنسى واستمر حوالى 3 سنين فقط..عشان كدة المؤرخين بيقولوا عليه حملة واستخسروا يقولوا عليه احتلال ...انما هو كان احتلال عشان ما نتلخبطش فى الالفاظ والمصريين قاموا ضده بثورتين ورا بعض.. ثورة القاهرة الاولى وثورة القاهرة الثانية..والثورتين ما نجحوش فى طرد الاحتلال الفرنسى ...الاحتلال الفرنسى انسحب بمزاجة لاسباب خارجية بعد ثورة القاهرة الثانية بحوالى سنة 
*عهد أسرة محمد على واستمر حوالى 150سنة
*بدأ باستقلال محمد على بمصر عن الخلافة العثمانية .
* حفر قناة السويس.
* دخول الانجليز مصر فى عهد الخديوى توفيق 
*الاحتلال الإنجليزى استمر حوالى 70 سنة.
*جلاء الانجليز وطرد الملك فاروق اخر حكام اسرة محمد على .
*عهد الجمهورية ونهاية التاريخ.
ملخص الملخص:-
- عدد الدول التى احتلت مصر 7 دول بخلاف الهكسوس وهى حسب اسمائها الحالية. 
العراق- ايران- اليونان- ايطاليا- تركيا- فرنسا- انجلترا
- عدد الدول التى استقلت بمصر 7 دول 
البطالمة-الطولونية-o-الفاطمية-الايوبية- المملوكية- العلوية
- الفترة بين اخر فراعنة مصر(حاكم مصرى) وبداية عهد الجمهورية (حاكم مصرى) 2295 سنة..

*
بعض المراجع ..

تعليقات

إرسال تعليق